martes, 6 de noviembre de 2012

Euskal unibertsitateak dira masifikazio gutxien daukatenetakoak Espainiako Estatuan

Ihintza ELUSTONDO Espainiako Estatuko unibertsitate-sistema aintzat hartuta, euskal unibertsitateak dira masifikazio gutxien daukatenetakoak, Eroski Consumerrek Unibertsitateen Gida Praktikoan argitaratu duenez. Irakasle bakoitzari zenbat ikasle dagozkion kalkulatuz jakiten da, nagusiki, zenbateko masifikazioa dagoen ikasgeletan. Euskal unibertsitateetan, batez beste, 8,9 ikasle daude irakasle bakoitzeko; Estatuko batez bestekoa berriz, 12,4koa da. Europako Goi Mailako Hezkuntzaren Esparruak garrantzi berezia ematen dio datu horri. Izan ere, irakaskuntza pertsonalizatuagoa lortzea da bere jomuga nagusienetakoa.
Eroski Consumerrek, aurtengo datuak bildu ondoren, eguneratu egin du Unibertsitateen gida Praktikoa. Iturri horren arabera, 2011.urtean euskal unibertsitateetan defendatutako 572 doktore-tesietatik, EHUn egin dira 321 eta Nafarroako Unibertsitatean 182. Administrazioko eta Zerbitzuetako Langileen (AZL) arloan, Mondragon Unibertsitateak eta EHUk dauzkate langile gutxien. AZL eta irakasleen arteko ratioaren datuak honakoan dira hurrenez hurren bi unibertsitate horietan: 0,2 eta 0,3. Estatuko batez bestekoa 0,45ekoa da, Nafarroako Unibertsitatean berriz, 1,3koa. Unibertsitateetako ordenagailu hornikuntzari dagokionez, Deustuko Unibertsitatea eta Mondragon Unibertsitateak dituzte emaitzik onenak, 3 ikasleko ordenagailu bat eskaintzen dutelarik. EHUn 9 ikasleko dute ordenagailu bat eta Nafarraoko Unibertsitatean 12 ikasleren artean banatu behar dute ordenagailua. Unibertsitateek enpresa arloarekin duten lotura ere izan du aztergai ikerketak. Arlo horretan Mondragon Unibertsitatea nabarmendu da. 600 enpresarekin ditu hitzarmenak 3018 ikasle besterik ez dituen arren.
Ikasketa eskaintzari dagokionez, Europako esparrura egokitutako 200 gradu baino gehiago eskaintzen dituzte bost euskal unibertsitateek, EHU gailentzen delarik 92 gradurekin. Master ofizialen kasuan ere EHUk du eskaintzarik osatuena, 100 master inguru eskaintzen dituelarik. Autonomia erkidegoei erreparatuz gero, Kataluniak, Madrilek eta Andaluziak daukate eskaintzarik ugariena master ofizialetan, lehen biek 500 titulu baino gehiago eskaintzen dituztelarik. Ikasketen prezioek ere zeresan handia ematen dute. Lehen ikasturteko matrikulan alde handiak egon daitezke Estatuko unibertsitate batetik bestera, gradu bera ikasteak leku batean edo bestean ia 18.000 eurorainoko diferentzia ekar dezakeelarik.

Euskal unibertsitateek masifikaziorik gutxien daukatenen artean jarraitzen dute

EROSKI CONSUMERek kaleratu berri duen Unibertsitateen Gidaren arabera, batez beste 8,9 ikasle daude irakasle bakoitzeko euskal unibertsitateetan, kontuan hartuz estatuan dagoen batez bestekoa 12,4koa dela. Deustuko Unibertsitateak 7,2ko ratioa du, daturik baxuena izanik. Aldiz, altuena, Nafarroako Unibertsitateak du, 13,1eko ratioa baitu.

Hainbat dira gida honetan kaleratu dituzten datuak eta horietako bat da Ikerkuntza jarduerena. Euskal unibertsitateek oso maila altua erakusten dute. Iaz, euskal unibertsitateetan egindako 572 doktore-tesietatik 500 inguru EHUn eta Nafarroako Unibertsitatearen artean egin zituzten, 321 eta 182 hurrenez hurren.

Administrazio eta Zerbitzuetako Langileei (AZL) dagokienez, Nafarroako Unibertsitateak eman ditu daturik altuenak, AZL eta irakasleen arteko ratioa 1,3koa baita. Aldiz, Mondragon Unibertsitateak eta EHUk datu baxuak erakusten dituzte. AZL eta irakasle ratioa aipatutako bi unibertsitate hauetan hurrenez hurren 0,2 eta 0,3koa da. Baxua, estatuko batez bestekoa 0,45 dela jakinik.

Ordenagailuen hornikuntzari buruzko ikerketa bat egin da gida honetan. Mondragon Deustuko Unibertsitateek ordenagailu bat eskaintzen dute ikasle bakoitzeko. Ezin da gauza bera esan EHU, Nafarroako Unibertsitatean eta Nafarroako Unibertsitate Publikoan, 9 eta 12 ikasleren artean banatu beharra dutelako ordenagailu bat.



Unibertsitateek enpresekin duten loturaz hitz egiterakoan, Mondragon Unibertsitatea aipatu beharra dago. Kontuan hartuz euskal unibertsitateen artean ikasle gutxien dituen unibertsitatea dela, 600 enpresekin du lotura, hau da, euskal unibertsitateen artean bigarrena da arlo honetan. Nafarroako Unibertsitatea du aurretik soilik, unibertsitate honek 3.000 enpresekin baitu hitzarmena.


Desoreka masterren banaketan 
EHU da gradu gehien eskaintzen dituen unibertsitatea, guztira 92 gradu ezberdin eskaintzen baititu. Baina, ez da graduetan soilik gertatzen. Master ofizialei begiratuz gero, EHUk beste euskal unibertsitateen aldean eskaintza handiagoa du, 100 master ofizial eskaintzen baititu gaur egun. Espainiar estatuan, Madril, Katalunia eta Andaluzia dira master ofizial gehien eskaintzen dituzten erkidego autonomoak. 500 dira lehengo bi erkidegoek eskaintzen dituzten master ofizial kopurua. Aldiz, Andaluzian zertxobait baxuagoa da kopurua, 350 master inguru eskaintzen baitituzte. Master gutxien eskaintzen dituzten erkidegoak Gaztela Mantxa eta Errioxa dira, 20 master eskaintzera ez baitira iristen.


martes, 2 de octubre de 2012

Andy Schleck berriro pelotoian
Ihintza ELUSTONDO

Andy Schlecken amesgaiztoa amaitu da. Oraindik guztiz osatu ez bada ere, gaur itzuliko da berriro bizikleta gainera, Belgikako Memorial Frank Vanderbrucke lasterketan. Ia lau hilabete igaro ditu ekainean Critérium Dauphinén izan zuen lesioa sendatzen. Lesioa dela eta, Frantziako Tour, Joku Olinpiko nahiz Espainiako Itzulitik kanpo gelditu zen luxenburgoarra. Nahiago izan du oso gogor ez ekin, zertarako gai den ikus dezan.
Schleck erorketaren ostean

 

                                 


Gibraltar behin-behineko kidetzat onartu du UEFAk

UEFAk San Petesburgon egindako bileran, Gibraltar behin-behineko kide bezala onartzea erabaki du. 2007an, aurkako 48 boto jaso zituen eta aldekoak, berriz, Ingalaterra, Eskozia, Gales eta Ipar Irlandarenak izan ziren soilik. Espainiari dagokionez, beti agertu da Gibraltar onartzearen aurka eta ez du baztertu bide judizialak erabiltzea erabakia deusezteko. Hala eta guztiz ere, 2013an Londresen egingo den bilkuran erabakiko dute Gibraltar eskubide guztiak dituen kide bat izango den ala ez.

martes, 18 de septiembre de 2012

EHUko Bizkaiko Campusean Ostalaritzan geltokia zuten autobus zerbitzuak aldatu dituzte


Ihintza ELUSTONDO

EHUko Leioako Campusean Ostalaritza parean geltokia zuten autobus zerbitzuak lekuz aldatu dituzte eraberritze lanak direla eta. Geltoki horretan geratzen ziren autobusak, Errektoretza eta Ikasgelategi parean geldituko dira ikasturte honetan zehar.

Gernikara, Bermeora, Ermuara eta Areetara doazen Bizkaibus autobusek Errektoretza parean izango dute geralekua irailaz geroztik. Getxora, Erandiora, Bilbora (Erandiotik eta Astrabuduatik igaroz) eta  Areetara doazenek aldiz, Ikasgelategi parean. 

Descargar Plano Leioa (paradas bus).jpg (1724,3 KB)
EHUko Leioako Campuseko geltokiak


Leioako autobus geltokiko txarteldegiko arduradunak geltoki aldaketak arazorik ez duela sortu azaldu du. “Ez da jende asko hurbildu informazio eske”. Egunero Ermuatik Leioara joan-etorria egiten duen Leire Elustondo Kazetaritzako ikasleak kontrakoa dio: “Hasieran oso galduta sentitu nintzen, ez nekien autobusa non hartu behar nuen”. Ingurukoen artean ere ezjakintasuna antzeman duela jakinarazi du EHUko ikasleak.

2012-2013 ikasturtean matrikulek gora egin dute EHUn


Iaz baino 400 matrikula gehiago egin dira aurten.
Andoni ELDUAIEN
EHUko 2012-2013 ikasturteko matrikulek gora egin dute iazkoekin alderatuta. Nahiz eta matrikulatzeko epea oraindik ez den amaitu, Gotzon Isasi Negoziazio Sarbidearen buruak adierazi duenez, 8.785 matrikula egin dira, momentuz.
            Matrikulek gora egitearen arrazoietako bat, azken urteotako krisia izan liteke. Lanik ez dagoela eta, gazte asko ikasten hasi direla uste du Isasik. Iaz baino 400 matrikula gehiago egin dira momentuz, nahiz eta, oraindik ez den matrikulatzeko epea amaitu hainbat gradutan. Honi, gainera, pasa den ikasturtean batxilergoan 1500 ikasle gehiago aritu zirela gehitu behar zaio, igoera horren beste arrazoietako bat.
            Bekei dagokionez, Isasik uste du aurten iaz baino eskaera gehiago izango dituztela, eta honekin krisiak eragin zuzena duela azpìmarratu du. Gainera, unibertsitatera sartzeko gutxieneko notak igo egin dira, hala nola, medikuntzan, kazetaritzan eta fisioterapian.
            Ohikoa den moduan Bizkaian matrikulatu da ikasle gehien. Orotara, 4.830 izan dira bertan matrikulatu direnak, Gipuzkoan 2.216 eta azkenik, Araban 1.740. 

Leioako Kanpuseko kiroldegiak urriaren 1etik aurrera ezarriko du BEZaren igoera kuotetan


Imanol ELEZGARAI
Euskal herriko Unibertsitateko Leioako Kiroldegiak urriaren 1etik aurrera ezarriko du BEZaren igoera bere bezeroei kobratzen dien kuotetan. Igoera %13koa izango da, orain arteko %8ko BEZetik %21era pasaz. Igoera honek urritik aurrera matrikulen jeitsiera bat eragingo ote duen beldur dira kiroldegiko koordinatzaileak. Igoera honi aurre egiteko erabiltzaileei beste abantaila edo aukera batzuk eskaintzea aztertzen ari dira.
Erabiltzaile berriak lortzeko asmotan ordutegietan ere aldaketak burutu dituzte. Body Kombat-aren ordutegia zabaldu dute esaterako. Aurreko urtean eskeini ziren jardueren artean arrakasta handia izan zuen Body Kombat-ek eta honen ordutegia zabalduta erabiltzaile gehiago biltzea espero da.



Kiroldegiak erabiltzaileen esku jarri du posta helbide bat, dutrainingsport@gmail.com erabiltzaile berriak kiroldegiarekin harremanetan jarri daitezen. EHUko webgunean kiroldegiari eta kirol jarduerei buruzko informazio gehiago aurki daiteke.

Itoginen arazoak darrai
BEZaren igoeraz gaina beste arazo baten aurrean aurkitzen dira kiroldegiko erabiltzaileak. Kiroldegiko idazkariaren esanetan aurreko urtean hainbeste arazo eman zituzten itoginen arazoa ez da ebatzi. Hiru hilabetez konponketa lanak eman eta gero, itoginen kopurua murriztu egin dela dio, baina arazoak bere horretan jarraitzen duela.

martes, 11 de septiembre de 2012

Javi Martinez ezkutuan sartu da Lezaman bart gauean

Javi Martinez hesi bat saltatuz sartu zen bart gauean Lezamako instalazioetan bere leihatilan zituen gauzak jasotzeko.  Athletic-eko jokalari ohia, beste lagun batzuk lagunduta, bere leihatilan zituen objetu pertsonalak hartzera joan zen, segurtasuneko langileek ezustean harrapatu zituztenean. Sesio baten ostean jokalariak bere gauzak hartzeko aukera izan zuen azkenean. Jokalariak orain dela gutxi zalegoa agurtzea desio zuela esan arren, jakitun da orain ez dela zentzuzkoena Bilbotik agertzea.